https://vk.com сӑнӳкерчӗкӗ

Патӑрьел тӑрӑхӗнче ӗне чи лайӑх сӑвакансен республикӑри конкурсӗ иртнӗ. Унта Красноармейски районӗнчи «Красное Сормово» (чӑв. Хӗрлӗ Сурӑм) обществӑра ӗҫлекен Екатерина Борисова ҫӗнтернӗ.

Ҫак хӗрарӑм ӗне сумалли аппаратпа ӗҫлеме лайӑх пултарать ҫеҫ мар, ку аппаратпа ӗҫлессин техникине аван пӗлет иккен. Унсӑр пуҫне теорие те ӑша аван хывнӑ.

Хӗрарӑм дояркӑра 10 ҫула яхӑн тӑрӑшать.

Кирил Степанов архивӗнчи сӑн

Элӗк округӗнчи фермер – «Нетипичный садовод» медиапреми лауреачӗ пулса тӑнӑ.

Курав ҫак кунсенче Мускавра иртнӗ. Унта блогерсем, пахча тата сад ӑстисем, ландшафт дизайнерӗсем, агрономсем тата ҫак тытӑмри ытти специалист пухӑннӑ.

Программа пуян пулнӑ: лекцисем, ӑсталӑх класӗсем иртнӗ. Ҫавӑнтах ӳсен-тӑран тата пахча ҫимӗҫ, удобрени сутнӑ. Медиапреми лауреачӗсене те чысланӑ. Ҫак йыша пирӗн ентеш Кирилл Степанов та лекнӗ. Питех те кӑмӑллӑ!

cap.ru сӑнӳкерчӗкӗ

Паян Тӑвай округӗнче «Ялта чи лайӑххисем» агрослет иртнӗ. Кӑҫал унта пӗрремӗш хут федерацин Атӑлҫи округӗнчи мӗнпур регион хутшӑннӑ.

Слета 1,6 пин ытла ҫын ҫитнӗ. Кӑҫал йӑлана кӗнӗ мероприятие Аслӑ Ҫӗнтерӳ пулнӑранпа 80 ҫул ҫитнине халалланӑ, вӑл «Ҫӗнтерӗве пӗрле кӗтсе илер» лозунгпа иртнӗ.

Ӗҫлӗ программӑра 4 тема пулнӑ: «Ку пирӗн ҫемьен», «2025 – муниципалитет депутачӗн ҫулталӑкӗ», «Ҫӗнтерӗве пӗрле кӗтсе илетпӗр», «Агропродакшн: ялти паллӑ блогер мӗнле пулмалла».

"Контактри" сӑн

ЧР Ял хуҫалӑх министерстви хӑш предприятисем субсиди тивӗҫнине палӑртнӑ. Ку укҫапа вӗсем студент-практикантсене вӗрентме пултараҫҫӗ. Ку йыша «Мега ЮРМА», «Комминтерн» ЯХПК, «Ленинская искра» ОПХ» колхоз тивӗҫнӗ. Предприятисем килӗшӳ тунӑ ӗнтӗ, студентсене практика вӑхӑтӗнче ӗҫшӗн тата пурӑннӑшӑн тӳлеме укҫа илнӗ.

Палӑртмалла: ку п роект «АПК кадрӗсем» федераци проекчӗпе килӗшӳллӗн пурнӑҫланать.

Чӑваш Енӗн Ял хуҫалӑх министерствин сӑнӳкерчӗкӗ

Чӑваш Енри виҫӗ аграри предприятине студентсене вӗрентнӗшӗн укҫа тӳлӗҫ. Вӗсем «АПКри кадрсем» наци проектне лекнӗ. Проект ял хуҫалӑхне ҫамрӑк специалистсемпе тивӗҫтерес тӗллевӗллӗ.

Конкурсра «Мега ЮРМА» общество, «Коминтерн» кооператив тата «Ленинская искра» колхоз ҫӗнтернӗ. Вӗсене студентсене ял хуҫалӑхне илӗртме (практика тухма тата ӗҫе вырнаҫтарма) 894 миллион тенкӗ субсиди парӗҫ.

Пӗлтӗр ҫак проекта «Мега ЮРМА» предприяти лекнӗ, ӑна ун чухне 675 пин тенкӗ панӑ.

Чӑваш аграри университечӗн архивӗнчи сӑн

Кӑҫал кӗркунне Ҫӗрпӳри аграри-технологи тухникумӗ 100 гектар ҫӗр ҫинче хӑмла лартӗ. Тӳрех палӑртса хӑвӑрар: республика кӑҫал хӑмла ӳстерессине аталантарма 130 миллион ытла тенкӗ уйӑрнӑ. Ҫавӑн пекех грантсем, пӗтӗмпе 140 миллион ытла тенкӗ, парӗҫ.

Хӑмла лартмалли лаптӑка сухаланӑ ӗнтӗ. Ҫулла унта шпалерсем вырнаҫтарӗҫ, кӗркунне вара 330 пин хунав лартӗҫ. 80 гектарӗ – Тӑвай округӗнче пулӗ. Патӑрьел тата Ҫӗрпӳ округӗсенче – 10-шар гектар.

"Контактри" сӑн

ЧР Ял хуҫалӑх министерстви аграрисем валли чат-бот хута янӑ. Ҫапла аграри хыпарӗсене телеграмри чат-ботра пӗлме пулать.

Фермерсем @agro21bot урлӑ уй-хирти хыпарсене пӗлтерме, кулленхи ӗҫсем пирки каласа кӑтартма, сӗнӳсемпе, сӑнӳкерчӗксемпе, видеосемпе пайланма пултараҫҫӗ.

www.cap.ru сӑнӳкерчӗкӗ

Чӑваш Енӗн агропромышленноҫӗн малашлӑхлӑ пилӗк бренчӗ «Знай наших» (чӑв. Пирӗннисене пӗл) пӗтӗм Раҫҫейри конкурса хутшӑнать. Конкурс хамӑр ҫӗршыври брендсемпе паллаштарас, вӗсене аталанма пулӑшас тӗллевӗллӗ.

Конкурса «Сильные идеи для нового времени» (чӑв. Ҫӗнӗ саманари вӑйлӑ шухӑшсем) форум ирттернӗ май йӗркелеме йышӑннӑ.

Пирӗн республикӑран конкурса «Пехет» агромаркет, «Чебо» чипс, «Пернатая долина» (Канашри кайӑк-кӗшӗк фабрики), «Чӑваш пылӗ» («Мелилотус») тата «Чӑваш хӑмли» предприятисем заявка панӑ.

cap.ru сайтри сӑн

Чӑваш Енре «Сӑра вӗретекенсен шкулӗ» ҫӗнӗ кадр проекчӗ ӗҫлеме пуҫлӗ. Сӑра вӗретекенсене Чӑваш патшалӑх аграри университетӗнче икӗ программӑпа вӗрентӗҫ: «Хӑмла ӳстересси» тата Хӑмла ӳстерессинчи инжиниринг». Вӗренӳ кӑҫал авӑн уйӑхӗн 1-мӗшӗнче пуҫланӗ. Предприятисем унта специалистсене тӗллевлӗ вӗрентме пултараҫҫӗ: заявкӑсене ҫӗртме уйӑхӗн 10-мӗшӗччен йышӑнаҫҫӗ.

Ял хуҫалӑх министрӗн тивӗҫӗсене пурнӑҫлакан Ольга Кудрявцева пӗлтернӗ тӑрӑх: 5 ҫулта Чӑваш Енре хӑмла туса илмелли лаптӑка 2 пин гектар таран ҫитересшӗн. Ҫавна май «Агропродвижение» стратеги хатӗрленӗ. Кунсӑр пуҫне «Чӑваш хӑмли» грант пама пуҫласшӑн.

"Контактри" сӑн

Патӑрьел муниципалитет округӗнчи аграрисем ҫӗрулми лартма тухнӑ. Кӑҫал вӗсем, пӗлтӗрхипе танлаштарсан, ку ӗҫе виҫӗ эрне маларах пуҫӑннӑ.

Округри «Хӗрлӗ знамя» ЯХПК ака уйӑхӗн 25-мӗшӗнче, пӗрремӗш кунхине, палӑртнӑ 100 гектартан 10 гектар ҫӗрулми лартнӑ.

Палӑртса хӑварар: Патӑрьел округӗнче пӗтӗмпе 535 гектар «иккӗмӗш ҫӑкӑр» лартма палӑртнӑ.